தயாரிப்பாளர் சங்க தலைவர் பதவியில் இருந்து விஷால் பதவி விலக வேண்டும் : பாரதிராஜா, டி.ராஜேந்தர் பேட்டி

சென்னை: தயாரிப்பாளர் சங்க தலைவர் பதவியில் இருந்து விஷால் பதவி விலக வலியுறுத்தி பாரதிராஜா, டி.ராஜேந்தர் உள்ளிட்டோர் கூட்டாகப் பேட்டியளித்துள்ளனர். தேர்தலின் போது கொடுத்த வாக்குறுதிகளை விஷால் நிறைவேற்றவில்லை என்பதற்காக விஷால் விலக வேண்டும் என்று தெரிவித்தனர். தமிழ்நாடு திரைப்பட நடிகர் சங்கம் என்று மாற்ற வேண்டும் என்றும் கூறினர். 45 நாள் திரைப்பட துறையினர் ஸ்டிரைக்கால் எந்த ஒரு பலனும் கிடைக்கவில்லை என்றும் கூறினர். தனது இரும்புத்திரை படத்தை வெளியிடும் முயற்சியிலேயே இருக்கிறார் விஷால் என்று குற்றம் சாட்டியுள்ளனர்.